Яр Чаллыда яңа коронавирус инфекциясенең лабораториядә расланган 688 очрагы теркәлгән. Әлеге мәгълүматларны шәһәрнең Сәламәтлек саклау идарәсе башлыгы Александр Николаев журналистлар белән пресс-конференция барышында җиткерде. Исегезгә төшерәбез, COVID-19 диагнозы белән авыручыларны дәвалау йогышлы авырулар хастаханәсендә, сугыш ветераннары госпиталендә, 5 нче һәм 2 нче шәһәр хастаханәсендә, Тукай һәм Алабуга хастаханәләре корпусларында башкарыла. "Без Татарстанның бөтен төньяк-көнчыгыш зонасына хезмәт күрсәтәбез. Госпитальләргә пациентларны җибәрү-резервлар пациентның сәламәтлеге торышы буенча түгел, ә аның яшәү урыны буенча билгеләнә. Хәзер безнең шәһәр читендә Алабуга РҮХнең бер корпусында госпитальләр җәелдерелгән. Кирәк булган очракта, сәламәтлек саклау министрлыгы боерыгы буенча, госпитальләрне ачу буенча регламент бар, ул Менделеевскида, 80 койка-урынга җәелдереләчәк", - диде Александр Николаев.
"КТ-тикшерү кирәк булган очракта табиб тарафыннан билгеләнә. Дәүләт учреждениеләрендә компьютер томографиясе 2 нче һәм 5 нче шәһәр хастаханәләре дә, шулай ук Ашыгыч медицина ярдәме хастаханәсендә бар. Шәхси клиникаларда чиратлар буенча сораулар булды. Бүген без Росздравнадзор вәкилләре белән очраштык һәм бу мәсьәлә турында фикер алыштык, хәл итү юлларын эзләдек. Проблемалар булса, чаллылылар сәламәтлек саклау идарәсенең "кайнар линиясенә" 8 929 722 72 51 номеры буенча шалтырата алалар. Без ярдәм итәргә тырышачакбыз", - дип аңлатты ул.
При использовании информации просьба ссылаться на Управление информационной политики и по связям с общественностью.
Пәнҗешәмбе, 25 июнь 2020, 16:17