Хәзерге вакытта Яр Чаллыда яңа коронавирус инфекциясенең лабораториядә
расланган 1 657 очрагы теркәлгән. Әлеге күрсәткеч 100 мең кешегә 310,3
тәшкил итә, бу республика күрсәткеченнән 24,5%ка кимрәк. Саннарны шәһәрнең сәламәтлек саклау идарәсе башлыгы Александр Николаев
җиткерде. Ул шулай ук коронавирустан вакцинацияне узарга теләүчеләрнең
барысы да территориаль поликлиникаларга мөрәҗәгать итә ала, дип билгеләп
үтте: "Бу атнада шәһәрнең дәвалау оешмаларына вакцина килүен көтәбез,
вакцинацияне дәвам итәчәкбез".
Наил Мәһдиев җаваплы кешеләргә шәһәрнең эре предприятиеләрендә
вакцинация үткәрү өчен кирәкле шартлар булдырырга кушты: «Бу уңайлы бит,
эшкә килдең, чиратсыз гынә кирәкле процедуралар ясаттың,
вакцинация уздың. – Бу сезнең өчен дә уңайлы, чөнки поликлиникага
коронавирус инфекциясе белән бәйле булмаган башка мөрәҗәгатьләр буенча
кешеләр күп килә. Поликлиника челтәре дә, безнең хезмәт коллективларыбыз да әзер булырга тиеш: КБК, «КАМАЗ», «ТЭМПО», эре азык-төлек эшкәртү сәнәгате предприятиеләре, меңләгән коллективлар эшли торган төзелеш индустриясе предприятиеләре», - диде мэр.
Билгеләп үтик, бүген 102 кеше медицина күзәтүе астында тора, шуларның 48е – элемтә нәтиҗәсендә инфекөия йоктырган. 7 641 кеше, авыру билгеләре булмау һәм күзәтү вакыты бетү сәбәпле, медицина исәбеннән төшерелгән.
При использовании информации просьба ссылаться на Управление информационной политики и по связям с общественностью.
Дүшәмбе, 1 февраль 2021, 08:46