5 май көнне Яр Чаллыда җылыту сезоны тәмамланды, барлык кулланучыларда да җылылык бирү туктатылды. Шәһәр хуҗалыгы һәм халык яшәешен тәэмин итү идарәсе башлыгы Илдар Гайнуллин сөйләвенчә, сезон дәвамында җылылык челтәрләренә зыян килгән 91 очрак теркәлә, бу сәбәпле җылылык бирүдә тоткарлыклар булмаган.
«Яңа җылыту сезонына әзерлек башлана. Җылылык челтәрләренең гидравлик сынауларын, торак йортларда кайнар суны мөмкин кадәр кыска вакытка туктату өчен, алты этапта үткәрү планлаштырыла», - дип билгеләп үтте Илдар Гайнуллин.
Кайнар суны туктату турында тулырак мәгълүматны биредә карарга мөмкин.
При использовании информации просьба ссылаться на Управление информационной политики и по связям с общественностью.
Дүшәмбе, 17 май 2021, 11:42