Хәзерге вакытта Яр Чаллыда яңа коронавирус инфекциясенең лабораториядә расланган 2 601 очрагы теркәлгән. Бу күрсәткеч 100 мең кешегә 495,1 тәшкил итә, бу республика буенча уртача күрсәткечтән 13,8%ка түбәнрәк. Әлеге мәгълүматларны Роспотребнадзорның Чаллыдагы территориаль бүлеге җитәкчесе Илгизәр Бариев җиткерде.
Медицина күзәтүенә 93 кеше алынган, 8 481 кеше медицина күзәтүеннән төшерелгән. Хәзерге вакытта бер провизор госпитале – йогышлы авырулар хастаханәсе эшен дәвам итә.
«Беренче компонент белән 46 052 кеше прививка ясаткан, вакцинаның икенче компонентын 34 764 кеше алган. Вакцинациядән соң бер өзлегү очраклары теркәлмәде», – дип хәбәр итте шәһәрнең сәламәтлек саклау идарәсе җитәкчесе Александр Николаев.
Билгеләп үтик, шәһәр мэры Наил Мәһдиев та «Спутник V» вакцинасы белән прививка ясатты.
При использовании информации просьба ссылаться на Управление информационной политики и по связям с общественностью.
Дүшәмбе, 31 май 2021, 09:56