Бу чәршәмбедә, 26 июнь көнне, 13:00 сәгатьтә Тарихи-туган якны өйрәнү музеенда танылган сәяхәтче һәм Рус география җәмгыяте вәкиле Иван Ширяев булачак. Ул үз алдына амбициоз максат куйган блогер буларак билгеле, әлеге максат Россиянең барлык 1122 шәһәрендә булуны күздә тота. Җиде ел эчендә Иван Ширяев 604 шәһәрдә була.
6 июльгә кадәр блогер Татарстанның истәлекле урыннарын өйрәнәчәк. Блогер Яшел Үзән һәм Әлмәттә булырга өлгерде инде.
Яр Чаллыда блогер тематик очрашу уздырачак, анда барлык теләүчеләр чакырыла. Иван Ширяев үзенең сәяхәтләре турында сөйләячәк, кызыклы фактларын бәян итәчәк һәм төрле төбәкләрдән төшерелгән фотоларын күрсәтәчәк.
Сәяхәтче шәһәрләр буйлап җәяү йөри. Гадәттә, сәяхәт шәһәрне өйрәнү, торак пункт тарихы турында белү, аның үзенчәлеген тою һәм маршрут төзү өчен туган якны өйрәнү музееннан башлана. Аннары ашыкмый гына истәлекле урыннар буенча уза, фотога төшерә һәм моның белән илнең башка халыклары белән уртаклаша.
При использовании информации просьба ссылаться на Управление информационной политики и по связям с общественностью.
Сишәмбе, 25 июнь 2019, 12:16