Яр Чаллы халкы һәм шәһәребез кунаклары Бөек Ватан сугышында Җиңүнең 77 еллыгына багышланган «Хәтер» эшче яшьләр иҗаты шәһәр фестиваленең гала-концертына чакырыла. Гала-концерт 9 Майда Җиңү паркының төп сәхнәсендә узачак. Башлана 17:30 сәгатьтә, керү ирекле.
Катнашучылар – шәһәр предприятиеләре һәм оешмаларының иҗат коллективлары һәм яшь башкаручылары.
Программада:
- Вокал һәм хореография номерлары;
- «Нәфис сүз» номинациясе;
- «Хәтер.Балалар» видеопроектына йомгак ясау
18:55тә чаллылылар бөтен ил белән бергә фашизмга каршы көрәштә һәлак булганнарны бер минутлык тынлык белән искә алачаклар.
Оештыручылар – «Заман» яшьләр үзәге, Яр Чаллы шәһәре предприятиеләре һәм оешмаларының яшьләр советы, Автозавод районы хакимияте, Башкарма комитетның яшьләр белән эшләү идарәсе.
При использовании информации просьба ссылаться на Управление информационной политики и по связям с общественностью.
Җомга, 6 май 2022, 10:21