28 майга кадәр Яр Чаллыда Маршал Жуков урамындагы җылылык үткәргечен реконструкцияләү сәбәпле Комарова урамы буйлап юл ябылачак.
Яр Чаллы җылылык челтәрләре хәбәр иткәнчә, Маршал Жуков урамында урнашкан җылылык үткәргечен реконструкцияләү белән бәйле рәвештә, 28 майга кадәр автомобиль хәрәкәте ябылачак. Әйләнеп узу Садовый тыкрыгы аша оештырылачак. Юлны ябу схемасы Юл хәрәкәте куркынычсызлыгы дәүләт инспекциясе белән килештерелгән. Бу чорда 9 һәм 13 номерлы автобус маршрутларының хәрәкәт схемалары үзгәрәчәк. Вакытлы схемаларны тәкъдим итәбез.
Машина йөртүчеләрдән игътибарлы булулары, вакытлы юл билгеләренә карап, юлның бу участогын әйләнеп узу юлларын сайлаулары сорала.
При использовании информации просьба ссылаться на Управление информационной политики и по связям с общественностью.
Җомга, 22 май 2026, 16:40