16/14 йорт скверында КАМАЗ-Мастер округында яшәүчеләр өчен ишегалды бәйрәме үткәрелде. Чара Пенсия фонды идарәсе җитәкчесе, шәһәр Советы депутаты Эдуард Фәттахов ярдәме белән 16 комплексның территориаль иҗтимагый үзидарәсе оештырды.
Кунаклар өчен 81 нче балалар бакчасы һәм "Бригантина" яшүсмерләр-яшьләр клубы иҗат коллективлары чыгыш ясады, "Бригантина" яшүсмерләр-яшьләр клубы педагоглары тарафыннан открыткалар ясау буенча мастер-класс оештырылды, балаларны тәмле мамык белән сыйладылар.
Автокала төзүчеләрен хөрмәтләделәр, алар яшь чакта шәһәр һәм "Камаз" заводын төзергә килүләре турында сөйләделәр. Традиция буенча, "Мәктәпкә җыенырга ярдәм ит" республика хәйрия акциясе кысаларында, Эдуард Фәттахов балаларга бүләкләр тапшырды. "Мәктәпкә җыенырга ярдәм ит" акциясе Татарстан Республикасында 2007 елдан бирле үткәрелә. Ул аз керемле, күп балалы гаиләләрдәге балаларга, инвалид балаларга адреслы социаль ярдәм күрсәтүгә юнәлдерелгән.
При использовании информации просьба ссылаться на Управление информационной политики и по связям с общественностью.
