Җитез шахмат һәм блиц буенча Татарстан Республикасының команда чемпионатлары Яр Чаллыда узды. Җитез шахмат турнирлары стартына Татарстанның барлык шәһәрләре һәм районнары данын яклаган 29 ир-ат (4 такта) һәм 14 хатын-кыз (2 катнашучы) командалары чыкты.
Турнирның приз фонды Татарстан Республикасының шахмат Федерациясе, "Этюд" спорт мәктәбе һәм Яр Чаллы шәһәре Башкарма комитеты тарафыннан тәкъдим ителде. Татарстан Республикасының шахмат федерациясеннән акчалата бүләкләр суммасы 150 мең сум тәшкил итте. Башта командалар Швейцария системасы буенча гомуми турнир уйнадылар, аннары 1-2 һәм 3-4 урыннар өчен ярыштылар.
Җитез шахмат буенча ир-атлар турнирында Максим Самусенко, Роберт Струков, Руслан Габитов һәм Артем Нәгыймов составындагы «Набережные Челны – Жемчужина» командасы җиңде. Икенче төркемдә (35-90 мең кеше яшәгән Татарстан шәһәрләре һәм районнары) Кукмара районы җыелма командасы җиңү яулады, өченче төркем (35 меңнән кимрәк халкы булган районнар) зачетында Актаныш районы командасы беренче булды. Беренче тактада Леонид Ефимов («Чаллы – Легион» командасы) җиңде, икенче урында Филипп Пираев (Казанның Совет районы җыелма командасы), өченче такта турнирында Руслан Габитов («Набережные Челны – Жемчужина»), дүртенче урында Роман Новиков («Набережные Челны – Два ферзя»).
Хатын-кызлар арасында Яшел Үзән вәкилләре беренчелекне яулады. Икенче төркем зачетында Баулы районының беренче җыелма командасы, өченче төркемдә Актаныш районы кызлары җиңде. Беренче такта турнирында Зәринә Шәфигуллина («Яр Чаллы») җиңде, икенче урында Зөлфия Фәйрүзә («Яр Чаллы - Каисса»).
Ир-атлар арасында блиц буенча Татарстан чемпионатында Казанның Вахитов районы җыелма командасы җиңде. Икенче төркемдә Лениногорск командасы җиңүгә иреште, кече районнар арасында Актаныш районы вәкилләре беренче булды.Ир-атлар арасында блиц буенча Татарстан чемпионатында беренче тактада Рамил Фәйзрахманов (Казанның Вахитов районы) беренче урынны алды, икенчедә-Марсель Мөбәрәкшин (Лениногорск), өченче тактада Сергей Родченков (Казанның Авиатөзелеш районы), дүртенче тактада Виталий Родченков (Казанның Авиатөзелеш районы).
Яшел Үзән хатын-кызлар командасы, беренче урынны яулап, Татарстан чемпионатында да уңышларын кабатладылар. Икенче төркемдә Баулы районының беренче командасы җиңде, өченче төркем зачетында Актаныш районы җыелма командасы беренче урынга лаек булды. Беренче тактада Зәринә Шәфигуллина («Яр Чаллы») җиңде, икенче урында Мелисса Стакина (Яшел Үзән).
При использовании информации просьба ссылаться на Управление информационной политики и по связям с общественностью.
Дүшәмбе, 16 сентябрь 2019, 11:37