4 декабрьдә Яр Чаллыда Татарстан Республикасы Бизнес мәктәбеннән «Интернетта алга китеш» белем бирү программасы старт ала. Проектның максаты – Татарстан Республикасы территориясендә кече һәм урта эшмәкәрлек субъектларының табышын үстерү һәм арттыру. Ике атна эчендә программада катнашучылар экспертлардан һәм Россиянең гамәлдәге эшмәкәрләреннән дүрт лекция һәм дүрт вебинар тыңлыйлар.
Программада катнашучылар клиентлар җәлеп итәргә, бизнес-аккаунт алып барырга яки социаль челтәрләрдә һәм башка платформаларда, шул исәптән Instagram һәм YouTube та Шәхси брендны алга этәрергә, контекстлы һәм таргетланган реклама алып барырга, реклама кампанияләренең нәтиҗәлелеген бәяләргә ярдәм итә торган файдалы контент булдырырга өйрәнәчәкләр.
Белем бирү программасында катнашу бушлай. Уку тәмамланганнан соң мәктәп узу турында сертификат бирелә. Катнашу өчен гаризаны монда бирергә була.
При использовании информации просьба ссылаться на Управление информационной политики и по связям с общественностью.
Сишәмбе, 3 декабрь 2019, 10:11