Моношәһәрләрне үстерү фонды 2019 ел өчен моношәһәрләрнең еллык рейтингына йомгак ясады. Яр Чаллы шәһәре ТОПка керде һәм иң яхшылар унлыгын ачты. Чара бүген онлайн-форматта МШУ СКОЛКОВО мәйданында узды.
"Бу алгарышлы социаль-икътисадый үсеш территориясе статусын алган беренче шәһәр. Бүген
территориядә 40ка якын резидент бар, шәһәр икътисадына 15 млрдтан артык
инвестицияләр җәлеп ителгән, биш меңнән артык эш урыны булдырылган.
Инвесторларны актив җәлеп итәләр, Фонд белән актив эшлиләр. Яр
Чаллы – алдынгылар рәтендә!", – диде Ирина Макиева, рейтинг нәтиҗәләрен игълан итеп.
Шуны да билгеләп үтәргә кирәк, ТОП-10га узган елда социаль-икътисадый үсешнең югары дәрәҗәсен күрсәткән шәһәрләр керде. Моношәһәрләр рейтингы 2016 елдан бирле үткәрелә. Ул 17 күрсәткеч буенча исәпләнә. Алар арасында – шәһәрнең үсеш институтлары белән хезмәттәшлеген, МСП үсеше күрсәткечләре, инфраструктураның сыйфаты һәм һәркем өчен ачык булуы, моношәһәрдәге икътисадый ситуацияне бәяләү.
«Бүген без яңа ун иң яхшы унлыкны игълан иттек. Бу - «моно» приставкасы чикләреннән чыккан моношәһәрләр, алар ныгыган, аларга масштаблы якын килү кирәк. Бу - хәлне коткарып калырга һәм бары тик эш урыннары булдыру белән генә шөгыльләнергә кирәк булмаган шәһәрләр. Аларга башкасы кирәк: шәһәр икътисадын, шәһәр тирәлеген үстерү. Аларны бу юнәлешләр буенча яңа зур эшкә кертү вакыты җитте. Моношәһәрләрне үстерү фонды һәм ВЭБ. РФ ярдәм итәргә әзер», – диде Ирина Макиева.
Ул искәртеп узганча, РФ.ВЭБ шәһәр икътисадын үстерү буенча 18 эре моношәһәр белән эшли башлаган инде. Шуны билгеләп үтәргә кирәк, ТОП-10 рейтингы моношәһәрләрнең иң көчле һәм перспективалы якларын ачыкларга, шулай ук шәһәрлеләрнең тормыш сыйфатын яхшырту буенча иң уңышлы проектларны билгеләргә ярдәм итә.
При использовании информации просьба ссылаться на Управление информационной политики и по связям с общественностью.
Сишәмбе, 17 ноябрь 2020, 15:06