Муниципаль берәмлек Башлыгы урынбасары Ирина Сәгыйдуллина һәм Башкарма комитет Җитәкчесе Фәрид Салахов бүген иртән коронавирустан прививка ясаттылар.
Ирина Сәгыйдуллина вакцинациягә тормыш иптәше белән килде:«Мин үземне, үз гаиләмне, якыннарымны, шул исәптән коллективны саклау өчен вакцина ясатырга булдым. Дөнья тәҗрибәсе күрсәткәнчә, вакцина кешелек дөньясын күп кенә үлем авыруларыннан саклап калган. Минем күп кенә хезмәттәшләрем - Шәһәр Советы депутатлары да шундый карар кабул иттеләр. Безнең нибары ике юлыбыз бар: авырырга яки прививка ясатырга. Мин вакцинация ясатуны сайладым», - дип уртаклашты ул.
Вакцинациягә Башкарма комитет хезмәткәрләре дә кушылды. Беренче компонентны 50гә якын мэрия хезмәткәре алды. Алар арасында - коррупциягә каршы тору мәсьәләләре буенча Хаким ярдәмчесе Рамил Фәйсханов: «Минем узган елдан ук антитәнчекләр бар. Коронавирус кичергән танышларым да бар. Бу мәкәрле авырудан соң аякка басу җиңелләрдән түгел. Шуңа күрә, үз-үземне саклау өчен, прививка ясарга булдым», - диде ул.
Хәзерге вакытта Яр Чаллыда 40 меңләп кеше прививка ясаткан. Вакцинаның беренче компонентын 39 415 кеше, икенче компонентын 31 687 кеше алган.
При использовании информации просьба ссылаться на Управление информационной политики и по связям с общественностью.
Чәршәмбе, 19 май 2021, 11:16