Яр Чаллыдан 37 студент һәм мәктәп укучысы Татарстан җыелма командасы составында WorldSkills стандартлары буенча һөнәри осталык ярышларында катнашачак.
«Яшь профессионаллар» IX Илкүләм чемпионатының финалы 25-29 августта Уфада узачак. Ярышлар 7 блокка бүленгән 105 һөнәри компетенция буенча узачак: төзелеш һәм төзелеш технологияләре; мәгълүмати һәм коммуникацион технологияләр; иҗат һәм дизайн; җитештерү һәм инженерлык технологияләре; хезмәт күрсәтү өлкәсе; транспорт һәм логистика; мәгариф. 51 компетенция буенча WorldSkills Russia Juniors юнәлеше буенча ярышлар планлаштырылган.
«Яшь профессионаллар» илкүләм чемпионатының финалы – Россиядә 16 яшьтән 25 яшькә кадәрге WorldSkills стандартлары буенча урта һәм югары һөнәри белем бирү учреждениеләре студентлары һәм 16 яшькә кадәрге мәктәп укучылары арасында WorldSkills Russia Juniors стандартлары буенча һөнәри осталык буенча иң масштаблы ярышлар.
Яр Чаллының 37 укучысы һәм студенты Татарстан җыелма командасы составында ярышларда катнашачак. Конкурсантлар арасында шәһәрдән 14 яшүсмер, шулай ук Е.Н. Батенчук исемендәге Кама төзелеш көллияте, В.Д. Поташов исемендәге техника көллияте, Яр Чаллы политехник көллияте, Яр Чаллы медицина көллияте, Яр Чаллы педагогика көллияте студентлары.При использовании информации просьба ссылаться на Управление информационной политики и по связям с общественностью.
Дүшәмбе, 23 август 2021, 13:46