Яр Чаллыда Бөек Ватан сугышы ветераннары юбилейларын билгеләп үтә

Бүген Биектау районының Сосновка авылында туган Михаил Иванович Владимиров 90 яшьлек юбилеен билгеләп үтә. Бөек Ватан сугышы елларында туган авылы колхозында эшли.

Сугыштан соң Казанга күчеп килә, анда экскаватор йөртүче булып эшли. 1980 елда гаиләсе белән Чаллыга даими яшәү урынына күчеп килә, анда пенсиягә чыкканчы "КАМАЗ" ААҖнең кою заводында слесарь-ремонтчы булып эшли.

Михаил Иванович өч бала тәрбияләп үстергән, өч оныгы бар. «1941-1945 еллардагы Бөек Ватан сугышында фидакарь хезмәте өчен» медале, юбилей даталарына медальләр белән бүләкләнгән.

Чистай районы Олы Талкыш авылында туган Анна Васильевна Моисеевага 90 яшь тулды.

Бөек Ватан сугышы елларында үз авылында колхозда эшли. Сугыштан соң Пермь краеның Кизел шәһәренә күчеп килә, анда шахтада эшли. 1960 елда Мамадыш районының Югары Сәкинәс авылына күчеп килә һәм колхозда эшли. Соңрак Украинада яши, пенсиягә чыкканчы май заводында, икмәк заводында эшләгән. 1982 елда Яр Чаллыга даими яшәү урынына күчеп килә.

Анна Васильевна ике бала тәрбияләп үстергән, өч оныгы һәм ике оныкчыгы бар. «1941-1945 еллардагы Бөек Ватан сугышында фидакарь хезмәте өчен» медале, юбилей даталарына медальләр белән бүләкләнгән.

Киров өлкәсенең Пахотная авылында туган Клавдия Петровна Ватажникова да 90 яшьлек юбилеен билгеләп үтә. Бөек Ватан сугышы елларында колхозда хезмәт куя. Сугыштан соң Киров өлкәсенең Малмыж шәһәренә күчеп килә, анда дәүләт банкында, аннары урман хуҗалыгында хисапчы булып эшли. 1971 елда Яр Чаллы шәһәрендә даими яшәү урынына күчеп килә, пенсиягә чыкканчы кунакханә һәм тулай торак белән идарә итүдә бухгалтер булып эшли.

Клавдия Петровнаның кызы, ике оныгы һәм өч оныкчыгы бар. «1941-1945 еллардагы Бөек Ватан сугышында фидакарь хезмәте өчен» медале, юбилей даталарына медальләр белән бүләкләнгән.

Бөек Ватан сугышы ветераннары РФ Президенты Владимир Путин, шәһәр мэры Наил Мәһдиев, Үзәк районы хакимияте башлыгы вазифаларын башкаручы Алексей Тарабукин исеменнән котлаулар кабул итеп алдылар. Котлауларга ТИҮ рәисе Рафилә Нуриева, шулай ук «Мәхәллә», «ЖилЭнергоСервис», «Паритет» идарәче компанияләре вәкилләре дә кушылды.