Татарстан Республикасы буенча Милли банк Яр Чаллыда күчмә очрашу оештырды

Товар базарларында бәяләр кую факторларын анализлау буенча ведомствоара эшче төркем утырышы Яр Чаллы шәһәре Башкарма комитетында узды. Чарада куллану инфляциясенең түбән дәрәҗәсен саклау мәсьәләләре буенча фикер алыштылар. Модератор булып икътисадый үсеш һәм эшмәкәрлеккә ярдәм күрсәтү идарәсе башлыгы Гүзәл Гыйләҗева чыгыш ясады.

Киңәшмәдә Кама икътисадый зонасы предприятиеләре җитәкчеләре, шул исәптән азык-төлек җитештерүчеләре вәкилләре катнашты: «Алабуга Сөте», «ЧАЛЛЫ-ИКМӘГЕ», «Түбән Кама икмәк комбинаты», «Чаллы-суык», «Акульчев» сәүдә йорты, «Табыш» сәүдә челтәре, шулай ук шәһәрнең икътисадый үсеш һәм эшмәкәрлеккә ярдәм күрсәтү идарәсе хезмәткәрләре.

Россия Банкы акча-кредит сәясәте буенча карарлар кабул иткәндә бизнес-берләшмәләрнең өметләрен истә тота, шул исәптән төп ставка буенча. Яр Чаллы оешмалары Россия Банкы мониторингында (даими сораштыруларда) катнашалар, бу республикада бизнес үзенчәлекләрен һәм мәнфәгатьләрен исәпкә алырга мөмкинлек бирә.

Киңәшмәдә, аерым алганда, билгеләп үтелгәнчә, Татарстанда еллык инфляция сентябрьдә 3,9% тан 3,4% ка кадәр акрынайды. Азык-төлек товарлары инфляциясенең 0,6 п.п., 3,9%ка кимүе күзәтелде, бу республикада яхшы уңыш һәм терлекчелекне үстерү, яңа ит җитештерү производстволары ачылу белән бәйле.

Тулаем алганда, Россия Банкы 2019 ел нәтиҗәләре буенча еллык гомумроссия инфляциясе фаразын 3,2–3,7% ка кадәр киметте. Уздырыла торган акчалата-кредит сәясәтен исәпкә алып, еллык инфляция 2020 ел нәтиҗәләре буенча 3,5 - 4,0% тәшкил итәчәк һәм алга таба 4% тирәсендә калачак.

Кулланучылар бәяләре динамикасын анализлау, Татарстанның товар базарларында бәяләр кую факторларын билгеләү буенча ведомствоара эшче төркем 2017 елда республика премьер-министры йөкләмәсе буенча оештырылды. Аңа республиканың төп министрлыклары, шулай ук Бүлекләр– Россия Банкы Волго-Вятка баш идарәсенең Татарстан Республикасы буенча Милли банкы керә. Утырышлар бәя тотрыклылыгын саклап калу һәм региональ икътисадый үсеш өчен шартлар тудыру максатларында даими үткәрелә. Бизнес өчен түбән инфляция – ул озак вакытлы планлаштыру өчен алдан билгеле мохит. Икътисадый үсешнең нигезләре булган бәяләр тотрыклылыгы шулай ук инвестицияләрне үстерү өчен дә кирәк. Халык өчен түбән инфляция – бүгенге хезмәт хаклары һәм пенсияләрнең иртәгә сатып алуларга җитәчәгенә ышаныч, бу сатып алуларны, кредитлар һәм кертемнәрне планлаштыру мөмкинлеге.

Предприятиеләр мониторингы хуҗалык итүче субъектларны анкеталаштыруның комплекслы системасыннан гыйбарәт. Хәзерге вакытта бөтен Россия буенча мониторингта 11000 предприятие катнаша, шул исәптән Татарстан Республикасының 170тән артык алдынгы предприятиесе.