Бу шимбәдә, 21 июль көнне 10:00 сәгатьтә Фикрәт Табеев исемендәге яр буенда, ТАССР оешуга 100 ел тулу уңаеннан, велосипед узышы үткәрелә. Чарада шәһәрнең эшче яшьләре, яңа эшкә башлаучы эшмәкәрләр катнаша. Моннан тыш, велосипеды булган һәр кеше бу чарага кушыла ала. Катнашучылар 5 чакрым араны Россия, Республика, шәһәр предприятиесе, оешма һәм учреждениесе флаглары белән узарга тиеш. Һәр теркәлгән велосипедчыга республика триколоры - өч төстәге тасма биреләчәк.
Теркәлү Фикрәт Табеев исемендәге яр буенда 9:30 да башлана. Шулай ук 8-951-068-00-77 телефоны аша “Мин барам” дип исем-фамилияне күрсәтеп смс җибәрергә яки https://vk.com/dinarazaharova адресына хәбәр итәргә кирәк.
При использовании информации просьба ссылаться на Управление информационной политики и по связям с общественностью.
Җомга, 20 июль 2018, 08:32