Комсомол районында Бөек Ватан сугышында Җиңүнең 76 еллыгын бәйрәм итүгә әзерлек буенча актив эш алып барыла. Бүгенге көндә биредә Бөек Ватан сугышында катнашкан 14 ветеран, концентрацион лагерьларның 10 тоткыны, Ленинград блокадасын кичергән 2 ветеран һәм 472 тыл хезмәтчәне яши.
Татарстан Республикасы Президенты Рөстәм Миңнеханов һәм Яр Чаллы шәһәре мэры Наил Мәһдиев исеменнән котлаулар һәм бүләкләр белән ветераннар янына Шәһәр Советы депутатлары Альберт Петров, Виталий Агапов, Рубин Бадиков, Сергей Хлебников, Евгений Залогин, Әлфинур Галиәкбәрова, Ленар Сәлахов, Таһир Сөнгатуллин, Асия Кислова килделәр.
Депутатлар ветераннарга Бөек Ватан сугышында күрсәткән батырлык өчен рәхмәт белдерделәр, аларга ныклы сәламәтлек, уңышлар, тынычлык, бәхет һәм изге теләкләр юлладылар. Ветераннар, үз чиратында, сугыш елларындагы хатирәләре белән уртаклашты, яу кырында үткән авыр сугыш юллары, халыкның батырлыгы турында сөйләде.
При использовании информации просьба ссылаться на Управление информационной политики и по связям с общественностью.
Сишәмбе, 4 май 2021, 17:27