Яр Чаллыда һәм Тукай районында үз эшләрен башларга теләгән махсус хәрби операциядә катнашучыларны һәм аларның гаилә әгъзаларын хуплау буенча эш дәвам итә. Бу юнәлешне координацияләүне «Бердәм Россия» партиясенең Яр Чаллы бүлекчәсе башкара.
Искә төшерик, «СВОй бизнес» федераль программасы кысаларында биш көнлек укуны 34 кеше узды. Әмма эш башлаучы эшмәкәрләрне озату моның белән тәмамланмый.
Проект партнеры «Халыкара техника, технологияләр һәм идарә институты» мәгариф учреждениесе белән берлектә чыгарылыш укучылары өчен бушлай индивидуаль консультацияләр оештырылган. Аларның максаты – бизнес-идеядан аны реаль тормышка ашыруга күчүдә гамәли ярдәм күрсәтү.
Шулай итеп, беренче консультацияне Ләйсән Хәсәншина өчен бизнес-тренер Дмитрий Жуков үткәрде. Очрашу барышында аның бизнес-идеясе аспектлары җентекләп эшләнелде һәм проектны эшләтеп җибәрү буенча алга таба гамәлләрнең конкрет алгоритмы төзелде.
Ярдәмнең төп бурычы – алынган белемнәрнең реаль эшләргә әверелүен тәэмин итү. Нәкъ менә шуңа күрә программа катнашучылары белән эш төп укыту курсы тәмамланганнан соң да дәвам итә.
При использовании информации просьба ссылаться на Управление информационной политики и по связям с общественностью.
Җомга, 13 ноябрь 2026, 13:33