Хәзерге вакытта Яр Чаллыда эшсезләр сыйфатында 1 573 граждан теркәлгән. Шәһәрдә эшсезлек дәрәҗәсе 0,56 %ны тәшкил итә, Татарстан Республикасы буенча – 0,97%. Ел башыннан бирле "Россия эше" кадрлар үзәгенә 7 138 кеше мөрәҗәгать иткән. Әлеге мәгълүматларны Кадрлар үзәге җитәкчесе Татьяна Быданова җиткерде.
Бүген кадрлар үзәге базасында 8 842 вакансия бар. Шәһәрнең 1128 предприятиесе «Россиядә эш» порталында теркәлгән. Ел башыннан бирле 4 580 кеше эшкә урнаштырылган, аларның күбесе «КАМАЗ», «ТЭМПО», бюджет учреждениеләренә урнашкан.
«Шәһәр динамик рәвештә үсә, яңа производстволар ачыла. Алгарышлы социаль-икътисади үсеш территориясе үсә. Кадрларга ихтыяҗ булачак, яңа производстволар төзеләчәк. Кадрлар хезмәте бу хакта белергә тиеш. Бүген сату базарларында гына түгел, ә хезмәт базарында да конкурентлы көрәш.
Яхшы хезмәт хакы, яхшы социаль пакет, коллектив белән үзара мөнәсәбәтләр – болар барысы да кешеләр предприятиеләргә урнашсын өчен уңышлы җыелма», - дип билгеләп үтте Наил Мәһдиев..
При использовании информации просьба ссылаться на Управление информационной политики и по связям с общественностью.
Дүшәмбе, 12 июль 2021, 09:45