Хәзер Г блогында фасадны төзү, эчке бизәү, инженерлык коммуникацияләре, кирпеч белән тышлау, түбә эшләре, фасадны төзү, бизәү эшләре, тәрәзәләрне монтажлау буенча эшләр алып барыла. "Без графиктан алда барабыз. Контракт буенча эшләрнең тәмамлану вакыты ел ахырына кадәр. Әмма объектны иртәрәк файдалануга тапшырсак, яхшырак, - дип ассызыклады шәһәр мэры Наил Мәһдиев. - Проект дәүләт экспертизасын узды, финанс ресурслары бүлеп бирелде. Барысы да план буенча бара. Г блогыннан соң бу блокның административ биналары калачак. Бина 30 елдан артык файдаланыла, хастаханә Чаллы халкына гына түгел, республикабызның 17 районында яшәүчеләргә дә хезмәт күрсәтә".
Йогышлы авырулар хастаханәсе бинасы 1984 елда төзелгән иде. Бинаның гомуми мәйданы 30 мең кв метр тәшкил итә. Учреждение биш корпустан тора: А, Б, В, Г, Д. Ремонт эшләре монда 2018 елда башланган, бу вакыт эчендә төзүчеләр барлык корпуслар буенча этаплап үзгәртеп корулар үткәргәннәр. Генераль подрядчы булып Илнар Гайсин җитәкчелегендәге "Евростиль" компаниясе тора.
При использовании информации просьба ссылаться на Управление информационной политики и по связям с общественностью.
Дүшәмбе, 26 июнь 2023, 16:35