Чаллыда җитәкчеләр халык белән очрашуларны дәвам итә

Шәһәрнең өч районында халык белән очрашулар үткәрелде. Очрашу Комсомол районында узды. Чаллылыларны 39 нчы мәктәп каршы алды. Доклад белән Комсомол районы хакимияте башлыгы Ленар Әхмәтҗанов чыгыш ясады.

Ул халыкны шәһәрдә узган елда башкарылган эшләр белән таныштырды һәм агымдагы елга куйган бурычларны  билгеләп үтте.

Үзәк районында очрашу Г. Акыш исемендәге 84 нче лицей-интернат бинасында узды. Үзенең чыгышында Фидәрис Хәбибуллин районда төрле дәрәҗәдәге программаларда катнашу нәтиҗәсендә булган үзгәрешләр турында сөйләде. 

Автозавод районында очрашу 42 нче мәктәптә узды. 

Автозавод районы хакимиятенең 2024 елдагы эшчәнлеге һәм 2025 елга бурычлары турында доклад белән район хакимияте башлыгы Айрат Хөснуллин чыгыш ясады.

Очрашулар дәвам итәчәк.