Эшмәкәрлеккә ярдәм күрсәтү һәм үстерү бүлеге

Эшмәкәрлеккә ярдәм күрсәтү һәм үстерү бүлеге Яр Чаллы шәһәре Башкарма комитетының икътисадый үсеш һәм эшмәкәрлеккә ярдәм күрсәтү идарәсенең структур бүлекчәсе булып санала. Ул Яр Чаллы шәһәрендә тотрыклы социаль-икътисадый үсешкә, эшмәкәрлек субъектларының актив эшчәнлеге өчен оптималь шартлар тудыруга юнәлдерелгән идарә һәм координация функцияләрен гамәлгә ашыру өчен булдырылган.

Бүлекнең төп бурычлары:

- шәһәрдә тотрыклы эшмәкәрлек үсешен тәэмин итү;

- шәһәрдә эшмәкәрлеккә ярдәм күрсәтү һәм аны үстерү өчен кирәкле уңай мохит тудыру;

- реаль икътисад секторында эшмәкәрлекнең өстенлекле юнәлешләрен үстерүгә ярдәм күрсәтү;

- Яр Чаллы шәһәрендә эшмәкәрлеккә ярдәм күрсәтүнең инфраструктурасын үстерү;

- Яр Чаллы шәһәрендә кече эшмәкәрлекнең конкурент сәләтлелеген һәм инвестицияләр җәлеп итүчәнлеген күтәрү;

- Яр Чаллы шәһәренең инновацион потенциалын үстерү һәм өстенлекле проектларны гамәлгә ашыру;

- эре һәм кече бизнеста үзара эшчәнлекнең нәтиҗәле оештыру-хокукый формаларын үстерү өчен шартлар тудыру;

- эшмәкәрләрнең сораулары буенча укытулар, тренинглар оештыру;

- Яр Чаллы шәһәрендә кече һәм урта бизнесны үстерү өчен комфортлы шартлар тудыру;

- бизнесның социаль җаваплылыгын һәм нәтиҗәлелеген күтәрү.