«Чишмә» Халыклар дуслыгы йорты» МАМУ

Яр Чаллы шәһәренең «Чишмә» Халыклар дуслыгы йорты» муниципаль автономияле мәдәният учреждениесе 2000 елның 26 августыннан бирле эшли.

Яр Чаллы шәһәренең «Чишмә» Халыклар дуслыгы йорты» муниципаль автономияле мәдәният учреждениесе – мәдәният өлкәсендә хезмәт күрсәтүче һәм күпмилләтле халыкның үзешчән иҗатын үстерү учреждениесе ул.

«Чишмә» Халыклар дуслыгы йорты» МАМУ эшчәнлегенең төп юнәлешләре:

- күпмилләтле халыкның үзешчән иҗатын үстерү, Яр Чаллы шәһәрендә яшәүче халыкларның, этник төркемнәрнең һәм милли азчылыкның рухи кыйммәтләрен яңарту, саклау, мәдәниятләрен үстерү;

- күп милләт халыклары өчен стационар һәм күчмә концертлар, милли календарь бәйрәмнәре, фестивальләр, конкурслар, күргәзмәләр һәм башкаларны үткәрү;

- мәдәни-агарту эше алып бару (авторлык һәм иҗат кичәләре, кызыксынулар буенча клублар, танып белү һәм күңел ачу программалары, Яр Чаллы шәһәрендәге милли җәмгыятьләр бүлмәләренә экскурсияләр, балаларның ял мәйданчыклары һәм башкалар);

- үзешчән иҗат фольклор коллективлары, һәвәскәр милли мәдәни клублар һәм кызыксынулар буенча клублар кебек клуб формированиеләрен булдыру һәм үстерүдә ярдәм күрсәтү;

- тәрбиягә авыр бирелә торган балалар һәм балигъ булмаганнар арасында хокук бозуларны профилактикалау;

- Яр Чаллы шәһәрендә милли-мәдәни берләшмәләр булдыру һәм аларны үстерүдә ярдәм күрсәтү;

- милли-мәдәни берләшмәләрнең үзара эшчәнлеген һәм хезмәттәшлеген оештыру;

- төбәкләрдәге милләтләрнең этник мәдәни мәгълүмат алмашуын оештыру, халык дипломатиясен киңәйтү, этно-мәдәни чаралар үткәрү;

- Татарстан Республикасы, Россия Федерациясенең башка субъектларының милли-мәдәни берләшмәләре белән социаль-мәдәни элемтәләргә булышлык күрсәтү һәм үстерү;

- милләтара һәм конфессияара мөнәсәбәтләрне гармонияләштерү буенча профилактика һәм милләтара толерантлык принцибын формалаштыру;

- конкурсларда катнашу, грант алу өчен конкурсларда катнашу.

«Чишмә» Халыклар дуслыгы йорты» МАМУ проектлары:

- «Иван Купала» Республика славян бәйрәме;

- Татарстан Республикасының «Мы ветви древа одного» дигән фин-угыр халыкларының ел саен үткәрелә торган Республика халык иҗаты фестивале;

- кече яшьтәге мәктәп балалары өчен ел саен үткәрелә торган «Милли курчак» конкурсы;

- ел саен үткәрелә торган «Питрау» халык йоласы бәйрәме;

- Яр Чаллы шәһәренең милли җәмгыятьләре спартакиадасы;

- милли җәмгыятьләрнең ел саен үткәрелә торган «Дус-туганлык – иң зур байлык» фестивале.

Почта адресы: ТР, Яр Чаллы шәһәре, Ш. Усманов урамы, 5 (32/24) йорт

Сайты: https://rodnik.addnt.ru

Контакттагы төркеме: https://vk.com/rodnik_chelny

Юридик адресы: ТР, Яр Чаллы шәһәре, Ш. Усманов урамы, 5 (32/24) йорт

Бару юлы: ТР, Яр Чаллы шәһәре, Академик Королев урамы - «Гимназия» тукталышы

Телефон/ факс, эл. почта: 8(5552) 34-62-41, ddnrodnik@yandex.ru

Директоры: Ишалина Ландыш Риф кызы

Төп эшчәнлек буенча директор урынбасары: Миргалиева Рушания Хәмит кызы

Хуҗалык эшләре буенча директор урынбасары: Шәрифуллин Камил Наил улы

Баш бухгалтер: Мәүлиева Гүзәл Хәйдәр кызы