«Дәүләт социаль ярдәме турында» 1999 елның 17 июлендәге 178-ФЗ номерлы Федераль законга, Россия Федерациясе Хөкүмәтенең «Россия Федерациясенең «Гражданнарга социаль ярдәм күрсәтү» дәүләт программасын раслау хакында» 2014 елның 15 апрелендәге 296 номерлы карарына туры китереп, дәүләт социаль ярдәме күрсәтү, шул исәптән социаль контракт нигезендә.
Дәүләт социаль ярдәмен билгеләү тәртибе Дәүләт социаль ярдәме күрсәтү тәртибе турында нигезләмә, шул исәптән Татарстан Республикасында Татарстан Республикасы Министрлар Кабинетының 2014 елның 2 сентябрендәге 635 номерлы карары белән расланган социаль контракт нигезендә җайга салына.
Социаль контракт нигезендә дәүләт социаль ярдәме аз керемле гаиләләргә һәм аз керемле ялгыз яшәүче гражданнарга күрсәтелә. Аларның керемнәре, аларга бәйле булмаган сәбәпләр аркасында Татарстан Республикасында халыкның тиешле социаль-демографик төркемнәре өчен билгеләнгән яшәү минимумының күләменнән ким булганда.
Гражданнар белән дәүләт социаль ярдәме күрсәтүгә социаль контракт (алга таба – социаль контракт) түбәндәге гамәлләрне тормышка ашыруга юнәлдерелеп төзелә:
а) эш эзләү буенча;
б) шәхси эшмәкәрлек эшчәнлеген гамәлгә ашыру буенча;
в) шәхси ярдәмче хуҗалык (авыл җирлегендә) алып бару буенча;
г) гражданның авыр тормыш хәленнән чыгуына башка чаралар белән булышлык итү буенча.
Социаль контрактка кадәр гаиләнең социаль адаптация программасы эшләнә.
Социаль адаптация программасы мөрәҗәгать итүчене (аның гаилә әгъзаларын) социаль адаптация чараларын гамәлгә ашыру өчен мәҗбүри булган, аларны үтәү срокларын күрсәтеп, авыр тормыш хәленнән чыгу буенча актив гамәлләрне стимуллаштыру максатыннан эшләнә.
Социаль контракт якларның хокукларын һәм бурычларын билгели, шул исәптән гариза бирүченең гаиләне социаль адаптацияләү программасын тулы күләмдә үтәү, авыр тормыш хәленнән чыгу буенча актив гамәлләр башкару, күрсәтелгән программаның үтәлеше турында даими рәвештә барлык мәгълүматларны бирү бурычы.
Шулай итеп, социаль контракт социаль яклау идарәсе һәм гариза бирүче арасында социаль адаптация программасын гамәлгә ашыру буенча хезмәттәшлек булып тора, гариза бирүче һәм аның гаилә әгъзаларын максималь адаптацияләү, гаиләнең акча керемнәрен арттыру һәм үз-үзеңне тәэмин итә алырлык булу максатында төзелә.
