Чаллы якташлыгы киләчәккә өмет белән яши

1985 ел­ның 30 ию­лен­дә ГЭС бис­тә­се­нең Үзәк ура­мын­да бе­рен­че тап­кыр төп чал­лы­лы­лар бәй­рә­ме уз­ган иде. Шун­нан бир­ле әле­ге бәй­рәм­не үт­кә­рү тра­ди­ци­я­гә әй­лән­де. “Чал­лы як­таш­лы­гы” вә­кил­лә­ре баш­ка­лар­дан аер­ма­лы бу­ла­рак, җә­ен ге­нә тү­гел, ә ел са­ен гыйн­вар аен­да да оч­ра­шып, ел дә­ва­мын­да баш­ка­рыл­ган эш­ләр­гә нә­ти­җә ясый­лар, ки­лә­чәк­кә план­нар ко­ра­лар.

Бы­ел­гы оч­ра­шу 13 гыйн­вар­га ту­ры кил­де. Баш­та шә­һәр ха­ки­ме На­ил Мәһ­ди­ев Чал­лы як­таш­лы­гы вә­кил­лә­ре бе­лән бер­гә шә­һә­ре­без үсе­ше­нә зур өлеш керт­кән ле­ген­дар шә­хес­ләр Рә­ис Бе­ля­ев һәм Ев­ге­ний Ба­тен­чук һәй­кәл­лә­ре­нә чә­чәк­ләр сал­ды­лар.

Ан­на­ры ча­ра “Энер­ге­тик” мә­дә­ни­ят са­рае эчен­дә дә­вам ит­те. Баш­та Чал­лы як­таш­лы­гы җи­тәк­че­се, шә­һәр со­ве­ты де­пу­та­ты Аль­берт Пет­ров уз­ган ел­да баш­ка­рыл­ган эш­ләр­гә йом­гак яса­ды. “Шә­һәр үсә, ма­тур­ла­на, “КА­МАЗ” ак­ци­о­нер­лык җәм­гы­я­те ыша­ныч­лы адым­нар бе­лән ал­га ба­ра, Ка­ты­ры­гы-кә­газь ком­би­на­ты уңыш­лы үсеш­тә. Ал­га­рыш­лы со­ци­аль- икъ­ти­са­дый үсеш тер­ри­то­ри­я­се үсә, азык-тө­лек эш­кәр­тү пред­при­я­ти­е­лә­ре дә нә­ти­җә­ле эш­ли. Без ТО­СЭР­га эк­скур­си­я­гә бар­ган идек, Кы­тай­ның су­ыт­кыч­лар за­во­дын ка­рап сок­лан­дык. Бо­лар ба­ры­сы да ке­ше­ләр­нең кә­е­фе­нә уңай йо­гын­ты ясый. Өл­кән бу­ын хез­мәт сө­ю­чән­ле­ген, ту­ган шә­һә­ре­без­не яра­ту ке­бек асыл сый­фат­ла­рын яшь бу­ын­га тап­шы­ра”, – ди­де ул.

Сүз уңа­ен­нан, соң­гы ел­лар­да шә­һә­ре­без күз­гә кү­ре­неп үсә. Юл­лар тө­зек­лә­нә, яңа йорт­лар, мәк­тәп­ләр, ба­ла­лар бак­ча­ла­ры тө­зе­лә, парк­лар-сквер­лар яңар­ты­ла. Мо­ның өчен шә­һәр­дәш­ләр ха­ким На­ил Мәһ­ди­ев­кә рәх­мәт­ле­ләр.

Чал­лы як­та­ш­лы­гы ак­ти­вист­ла­ры­на шә­һәр ха­ки­ме На­ил Мәһ­ди­ев үз итеп, хөр­мәт­ле дус­лар, ка­дер­ле як­таш­лар дип эн­дәш­те.

“Мин үзем­не Чал­лы як­таш­лы­гы­на ка­бул ит­кән көн­не ях­шы хә­тер­лим. Әле­ге җәм­гы­ять­нең ма­тур бил­ге­сен йө­рәк ягын­да күк­рә­гем­дә го­рур­ла­нып йөр­тәм. Үзем төп Чал­лы­да ту­ма­сам да, үзем­не бу гү­зәл шә­һәр ке­ше­се итеп са­ныйм. Бу зур ча­ра­да кат­на­шу без­нең һәр­бе­ре­без өчен зур дә­рә­җә. Әй­дә­гез Чал­лы бе­лән го­рур­ла­ныйк, кү­ңел тө­шен­ке­ле­ге­нә юл куй­мый­ча кү­тә­рен­ке кә­еф бе­лән яшик. Әби-ба­ба­йла­ры­быз­ның, бе­рен­че тө­зү­че­ләр­нең хез­мәт ба­тыр­лы­гын оныт­мыйк, алар­дан үр­нәк алыйк, алар бе­лән го­рур­ла­ныйк. Мон­дый очр­ашу­лар үт­кә­ре­р­гә ва­кыт та­бар­га ки­рәк”, – дип ул ча­ра­га ки­лү­че­ләр­не ис­ке­чә яңа ел бе­лән кот­ла­ды, хез­мәт­лә­ре өчен рәх­мәт әйт­те.

Чал­лы як­таш­лы­гы вә­кил­лә­ре ха­ким­гә үз­лә­ре­нең тәкъ­дим­нә­рен дә әйт­те­ләр. Әй­тик, “Та­тар­стан ло­гис­ти­ка ас­со­ци­а­ци­я­се” ком­мер­ци­я­не­ке бул­ма­ган оеш­ма пре­зи­ден­ты Ле­­о­нид Штейн­берг шә­һәр­нең бер ура­мы­на Чал­лы­ның мак­тау­лы граж­да­ни­ны Ген­на­дий Фи­ла­тов исе­мен ку­шар­га ки­рәк ди­де.

Оч­ра­шу­ны як­таш­лык­та­гы бер­дән­бер ха­тын-кыз, Чал­лы­ның мак­тау­лы граж­да­ни­ны Гөл­за­да Рза­е­ва алып бар­ды.

Як­таш­лар эш­лек­ле сөй­лә­шү­не чәй өс­тә­ле ар­тын­да дә­вам ит­те­ләр. Чы­гыш ясау­чы­лар ки­лә­чәк­тә дә шә­һәр үсе­ше өчен бер­гә­ләп эш­ләр­гә ки­рәк ди­гән ур­так фи­кер­гә кил­де­ләр.

Зөл­фия ГА­ЛИМ