2018 елда Яр Чаллыда юлларны ремонтлауга 2,26 млрд сум акча бүленгән. План буенча: Һади Такташ урамында, Машина төзүчеләр, Раскольников, Академик Королев, Марат Юсупов исемендәге, Татарстан, Шамил Усманов һәм «КАМАЗ-мастер» командасы урамнарында ремонт эшләре башкарылды. Моннан тыш, Хәсән Туфан, Автозавод, Тимерьюлчылар һәм Вахитов проспектларында шундый ук эшләр үткәрелде.
Ике урамны төзекләндерү иң мөһим проектлардан саналды, болар – Яңа шәһәрдәге Җиңүнең 40 еллыгы һәм ЗЯБ бистәсендәге Һади Такташ урамнары. Анда җәяүлеләр өчен юлларны, тротуарларны ремонтлау, урамнарны яктырту буенча комплекслы эшләр алып барылды.
2018 елда квартал эчендәге юллар, сәламәтлек саклау һәм мәгариф учреждениеләренә керү юллары да ремонтланды.
При использовании информации просьба ссылаться на Управление информационной политики и по связям с общественностью.
Дүшәмбе, 17 декабрь 2018, 08:21