Чаллы шәһәрендә 19 марттан грипп һәм кискен тын юлы авырулары буенча карантин игълан ителде. Бу хактагы карарны автошәһәрнең баш санитария табибы Илгизәр Бариев имзалаган.
Шәһәрдә грипп йоктыруның 8 очрагы расланган, диелгән документта. Кискен респиратор инфекцияләр белән авыруның эпидемия чиге 30,7 процентка арткан. Халык арасында авыручылар саны күбәя.
Шул сәбәпле, шәһәрнең баш санитария табибы карантин игълан иткән. Грипп һәм ОРЗ таралуны кисәтү буенча комплекслы планны гамәлгә ашыру карала.
http://tatar-inform.tatar
При использовании информации просьба ссылаться на Управление информационной политики и по связям с общественностью.
Җомга, 23 март 2018, 11:09