Георгий тасмасы – Бөек Ватан сугышында һәлак булганнарны, үзләрен аямыйча илебез тынычлыгы өчен сугышкан ветераннарны хөрмәтләү, данлау һәм аларны искә алу символы ул. Акция 2018 елның 24 апрелендә башланып 9 майга кадәр дәвам итә. Аның кысаларында иҗтимагый оешмалар активистлары, «Нур» яшьләр үзәге хезмәткәрләре Георгий тасмасын һәр үтеп барган кешегә таратып, аны ничек куллану турында сөйләячәкләр.
24 апрельдә 15:00 сәгатьтә акция Энтузиастлар бульварында башланып китә, анда «Шәмәхә НЕ ОН» балалар иҗтимагый оешмасы активистлары тасмалар өләшәчәк.
28 апрельдә тасманы 16:00 сәгатьтән башлап Шишкин бульварында алырга мөмкин.
29 апрельдә 12:00 дән 13:00 сәгатькә кадәр «Омега» сәүдә комплексы каршында «Яшь гвардия»челәрдән алырга мөмкин булачак.
3 - 6 май көннәрендә Шәһәр студентлар советы активистлары югары һәм урта махсус уку йортлары студентлары белән берлектә шәһәр трамвай һәм автобусларында таратачаклар.
При использовании информации просьба ссылаться на Управление информационной политики и по связям с общественностью.
Сишәмбе, 24 апрель 2018, 14:18