Бөек Ватан сугышында Җиңүнең 73 еллыгы кысаларында оештырылган чарага чаллылылар 3000 нән артык транспарант әзерләделәр. «Үлемсез полк» та катнашучылар традиция буенча йөрешкә 9 Майда чыгалар. Чара 15:00 сәгатьтә башлана (җыелу 14:30 ). Колонна Азатлык мәйданыннан башланып шәһәр Мәйданына кадәр барачак.
«Үлемсез полк» акциясендә катнашу өчен үзеңнең Бөек Ватан сугышында катнашкан туганыңның фотосын алып килергә, фото астына аның исем-фамилиясен һәм атасының исемен, яшәгән елларын, хәрби дәрәҗәсен, гаскәренең төрен күрсәтеп язарга кирәк. Фото А3 форматында булса яхшырак.
Сугышта катнашучының фотосы юк икән, транспарантта аның исем-фамилиясен һәм атасының исемен, хәрби дәрәҗәсен язып куярга мөмкин.
При использовании информации просьба ссылаться на Управление информационной политики и по связям с общественностью.
Җомга, 27 апрель 2018, 13:38