Россия Федерациясе президенты Владимир Путин, шәһәр мэры Наил Мәһдиев исеменнән юбилярларны Автозавод районы хакимияте башлыгы Раушан Усманова һәм Ветераннар советы рәисе Любовь Ходаковская котладылар.
Әлеге хатын-кызларның язмышлары охшаш: алар икесе дә Татарстанның Актаныш районында күп балалы крестьян гаиләсендә туган. Сугыш вакытында төрле хезмәтләрдә эшләгәннәр, өчәр балалары бар, икесе дә хезмәт ветераны. Икесе дә «1941-1945 нче Бөек Ватан сугышы елларындагы фидакарь хезмәт өчен» медале һәм юбилей медальләренә ия. Миңлемәхтүмә Әгъләмованың хәзерге вакытта 5 оныгы, 7 оныкчыгы бар. Ул 1983 елдан бирле Яр Чаллы шәһәрендә гомер итә.
Мөдәянә Маликова автокалага 1989 елда килә. Аңа кадәр Башкортстанда ветеринария табибы булып эшли. Аның 6 оныгы һәм 5 оныкчыгы бар.
При использовании информации просьба ссылаться на Управление информационной политики и по связям с общественностью.
Пәнҗешәмбе, 10 май 2018, 15:23