17 майда "Гренада" экстрим паркында "Кадетлар көрәше" шәһәрара хәрби-спорт чарасы уза. Бөек Җиңүнең 73 еллыгына багышланган ярышларда Чаллының 4 мәктәбеннән һәм Түбән Кама, Минзәлә, Удмуртиядән килгән кадетлар көч сынашачак.
Оештыручылар – Татарстан Республикасының хәрби-спорт уеннары һәм патриотик тәрбия үзәге истә калырлык вакыйга вәгъдә итә. 7-8 сыйныф кадетларына җиде этап узарга туры киләчәк. Командадагы һәр алты кеше әлеге һәр этапны үтәргә тиеш була.
Матбугат конференциясендә “Татарстан Республикасының хәрби-спорт уеннары һәм патриотик тәрбия үзәге” рәисе Руслан Шәймөхәммәтов: “Мондый чара республика күләмендә генә түгел, илебездә беренче мәртәбә оештырыла. Алдагы планнарда - әлеге ярыш төре белән республика, аннан соң федераль дәрәҗәгә чыгу”, - дип белдерде.
При использовании информации просьба ссылаться на Управление информационной политики и по связям с общественностью.
Чәршәмбе, 16 май 2018, 15:40