Тарихи-туган якны өйрәнү музеенда «Коръәндә - гармониягә тарту көче» күргәзмәсе ачылды.
Музейга килүчеләрне Яр Чаллы Башкарма коимитеты җитәкчесе урынбасары Рамил Хәлимов һәм шәһәрнең имам-мөхтәсибе Әлфәс хәзрәт Гайнуллин сәламләде.
Чарада «Казан Кремле» Казан тарихи-архитектура һәм сәнгать музей-тыюлыгы җыентыкларыннан бай материал тәкъдим ителде. Чаллылылар XVII гасырдан башлап Коръәннең гарәп басмаларындагы тарихи әһәмиятле һәм сәнгати-бизәлештәге кулъязмаларын күрә алды. Шулай ук рәссам-каллиграф Нәҗип Нәккашның шамаилләре, «Хәләл-Үзәк»нең сувенир һәм басма продукциясе, «Sabr» мөселман киемнәре тәкъдим ителде.
Күргәзмә 15 июньгә кадәр дәвам итә. Керү бәясе 100 сум.
При использовании информации просьба ссылаться на Управление информационной политики и по связям с общественностью.
Пәнҗешәмбе, 17 май 2018, 11:10