РФ Дәүләт Думасы депутаты, Дәүләт Думасының икътисадый сәясәт, сәнәгать, инновацион үсеш һәм эшмәкәрлек комитеты рәисе урынбасары Әлфия Когогина «2018 елның иң яхшы балалар табибы» бәйгесендә халык мәхәббәтен яулаган җиңүче – участок педиатры Айсылу Әхмәдиевага РФ Дәүләт Думасы депутатының Рәхмәт хатын һәм акчалата премия тапшырды. Әлеге бәйге "Челнинские известия" газетасы ярдәме белән оештырыла.
«Сезнең коллектив вәкилен җиңүе белән шәхсән котлау - минем өчен зур мәртәбә, игелекле хезмәтегез, профессионализмыгыз һәм мәрхәмәтле күңелегез өчен барыгызга да бик зур рәхмәт әйтәсе килә!», – дип мөрәҗәгать итте Әлфия Когогина поликлиника коллективына.
Әлеге визиты барышында депутат 5 нче балалар поликлиникасында узган капиталь ремонт нәтиҗәләре белән танышты, учреждение хезмәткәрләре белән актуаль мәсьәләләр һәм башка темалар буенча әңгәмә корды.
При использовании информации просьба ссылаться на Управление информационной политики и по связям с общественностью.
Чәршәмбе, 27 июнь 2018, 09:53