13,14, 15 һәм 16 июль көннәрендә Чаллы шәһәре пляжында «Бергә кабызабыз» арт-проекты кысаларында берничә чара узачак.
Яшьләр бөтенроссия буяулар фестивале 14-15 июльләрдә 14:00 сәгатьтә оештырыла. Бәйрәм кунакларын төрле күңел ачу зоналары, призлар уйнату һәм популяр диджейлардан дискотека көтә.
Су фонарьлары фестивале 13 һәм 14 июль көннәрендә 21:00 сәгатькә планлаштырыла. Чараның төп вакыйгасы - эчләрендә шәм янып торучы йөзләгән фонарьларны суга җибәрү. Үз эченә утлы тамашаны алган шоу-программада шәһәрнең танылган скрипкачылары һәм саксофончыларының чыгышы көтелә.
Тылсымлы шарлар гаилә фестиваленә Чаллы халкын 15 июльдә 21:00 сәгатькә чакыралар. Ут виртуозлары тамашачыларны мавыктыргыч тамаша белән каршы алачак. Балкып янучы тылсымлы шарларны фестивальдән соң үзең белән алырга мөмкин.
“Бергә кабызабыз” (“Вместе Зажигаем”)
арт-проекты Россия күләмендә бер миллионнан артык тамашачыны берләштергән ике
меңнән артык чара уздырган инде. Аларның иң популярлары - бөтенроссия буяулар фестивале
һәм Җир сәгате чарасы.
При использовании информации просьба ссылаться на Управление информационной политики и по связям с общественностью.
Пәнҗешәмбе, 12 июль 2018, 14:40