Бүген, 24 июль көнне, Яр Чаллыда ТРның кеше хокуклары буенча Вәкаләтле вәкиле Сәрия Сабурская ТР Прокуроры урынбасары Марат Долгов белән берлектә шәһәр мэрының иҗтимагый кабул итү бүлмәсендә (Ак.Рубаненко урамы, 7 йорт адресы буенча) халыкны кабул итәчәкләр. Халык белән очрашу сәгать 11:00дә узачак.
Кабул итүдә хәрби көчләр структурасы, сәламәтлек саклау, социаль яклау бүлеге, Пенсия фонды идарәсе вәкилләре катнаша. Гражданнар өчен алдан язылу әлеге телефон (843) 236-41-80аша башкарыла.
Сәрия Сабурскаяның Чаллы халкы белән очрашуы июнь аенда узган иде. Ул чакта чаллылылар өчен Хокукый ярдәм көне оештырылды. Ә берничә көннән ТРның кеше хокуклары буенча Вәкаләтле вәкиле гражданнарның хезмәт хокукларын үтәү мәсьәләләре буенча Яр Чаллыда җыелыш үткәрде.
При использовании информации просьба ссылаться на Управление информационной политики и по связям с общественностью.
Сишәмбе, 24 июль 2018, 09:28