Респиратор-вируслы авырулардан соң эчәклек инфекцияләре икенче урынны биләп тора. Бу турыда Яр Чаллы эчке инфекцияләр хастаханәсенең беренче бүлек мөдире Оксана Полозова хәбәр итте. Россиядә 500 меңнән артык бала бу диагноз белән теркәлгән.
Яр Чаллы эчке инфекцияләр хастаханәсе аша әлеге авыру буенча елына өч меңгә якын кеше (олылар да балалар да) уза. Шулар арасында 60% балалар һәм 40% олылар алып тора. Белгеч әйтүенчә, эчәклек инфекцияләренә 2 яшьлек нәниләр тиз бирешүчән, бу 60% очракны тәшкил итә. 2-5 яшьлекләр арасында – 25%, укучылар арасында – 15% ка кадәр.
Хәзерге вакытта Яр Чаллыда авыруның авыр формалары теркәлмәгән, күпчелек алар җиңел формада уза.
Оксана Полозова белдерүенчә,эчәклек инфекциясе иң күп чыгым сораучы авырулар рәтенә керә. Быелгы җәйдә шәһәрдә сальмонеллезның 15-20 очрагы теркәлгән. Узган ел белән чагыштырганда үсеш күзәтелми.
При использовании информации просьба ссылаться на Управление информационной политики и по связям с общественностью.
Чәршәмбе, 15 август 2018, 11:02