13 августка тикшерү нәтиҗәләре буенча, Татарстанда холера вибрионнары табылмаган. Бу хакта Кулланучы хокукларын яклау һәм кеше иминлеге өлкәсендә күзәтчелек федераль хезмәтенең (Роспотребнадзор) Татарстан буенча идарәсе матбугат хезмәтендә хәбәр иттеләр.
Күзәтчелек органы хезмәткәрләре республика сулыкларында һәм вибриофлора буенча атна саен мониторинг үткәрә. Ведомствода быел Татарстан сулыкларында су өслегеннән 2 884 проба алынган һәм тикшерелгән булуын әйттеләр.
При использовании информации просьба ссылаться на Управление информационной политики и по связям с общественностью.
Чәршәмбе, 15 август 2018, 21:44