Чаллы укучылары Әлмәт шәһәрендә узган Almet Open 2018 спидкубингы буенча ярышларда катнашты һәм берьюлы өч бронза яулады. Спидкубинг (инглизчә speedcubing) - тизлеккә Рубик кубигын җыю буенча ярышу.
Ростислав Вотинцев «Кубикны 3х3х3 аяклар белән җыю» дисциплинасында өченче урынны алды. Артем Плотников ике дисциплина буенча өченче урынны яулады.
Шуны да билгеләп үтәргә кирәк, автокалада «Спидкубинг» хәрәкәте 2017 елдан бирле эшләп килә. Спидкуберлар аудиториясе 15-20 яшьлекләрне тәшкил итә, алар өчен ачык Чемпионатлар даими рәвештә оештырыла. Әлеге төр ярышларда катнашучылар саны арта, кубик җыюның тагын да камилләштерелгән алгоритмнары эшләнә, ул спидкуберларга моңарчы булмаган нәтиҗәләргә ирешергә мөмкинлек бирә.
При использовании информации просьба ссылаться на Управление информационной политики и по связям с общественностью.
Пәнҗешәмбе, 20 сентябрь 2018, 16:33