Бүген Татарстан Республикасы Президенты Рөстәм Миңнеханов Татарстан Республикасы Дәүләт Советының 40 нчы утырышында республика парламентына еллык Юллама белән мөрәҗәгать итте. Утырышта Татарстан Республикасыннан сайланган Россия Федерациясе Дәүләт Думасы депутатлары, республика Хөкүмәте әгъзалары, муниципаль берәмлекләр, учреждениеләр һәм предприятиеләр җитәкчеләре, җәмәгатьчелек вәкилләре катнашты.
Россия Федерациясе Дәүләт Думасы депутаты, Икътисади сәясәт, сәнәгать, инновацион үсеш һәм эшмәкәрлек комитеты рәисе урынбасары Әлфия Когогина утырыш барышында Президент билгеләгән бурычларны шәрехләде.
«Бу системалы, еллык юллама, нәтиҗәләр чыгара һәм Татарстан байлыгы үсешенә юнәлтелгән конкрет планнарга әйләнергә тиешле бурычлар куя. Иң мөһиме – Президент һәм республика халкы горурлана торган нәрсә – милләтара һәм конфессияара татулык. Татарстан – ул тынычлык, татулык, бердәмлек территориясе. Безнең республика – илнең әйдәп баручы регионнарының берсе, Россия байлыгы яртысыннан артып китә торган ун субъект эченә керә. Киләсе ел – ТАССР оешуга 100 ел тулу, WorldSkills эшче һөнәрләре дөнья чемпионатын, «КАМАЗ» автогигантының бөтенсоюз комсомол төзелешенә 50 ел тулуны һәм аларның зур вакыйгага әйләнүен максат итеп куя. Икътисад, сәнәгатьнең барлык тармаклары, авыл хуҗалыгы, кече эшмәкәрлек, аналар һәм балаларга, мәдәният, мәгариф, сәламәтлек саклау өлкәләренең алга таба үсеше – Президент шулар хакында сөйләде. Шуңа күрә болар барысы да финанс яктан расланырга һәм конкрет программаларга кертелергә тиеш», – диде ул.
При использовании информации просьба ссылаться на Управление информационной политики и по связям с общественностью.
Дүшәмбе, 24 сентябрь 2018, 14:34