31 студент командасы шәһәр интеллектуаль клубының 18нче уен сезоны стартында катнашты. Быелгы сезон «Интеллект»яшьләр оешмасының 30 еллыгына багышланган.
Беренче уенда Яр Чаллы һәм Алабуга югары уку йортлары студентлары командалары катнашты. Уен " Нур «яшьләр үзәгенең яңартылган арт-залында узды. Беренче уенның темасы «Очрашулар бәйрәме». Чараны «Нур» яшьләр белән эшләү белгече, «Нәрсә? Кайда? Кайчан?» халыкара клублар ассоциациясенә керүче «Интеллект» клубы җитәкчесе Рәзилә Кузнецова алып барды.
Беренче уен нәтиҗәләре буенча «Ника» командасы җиңүче булды, икенче һәм өченче урыннарны Кама дәүләт автомеханика техникумы «Интеллект мохит» һәм «Инвиктус» студентлары бүлеште.
Уеннар ай саен «Нур» яшьләр үзәгендә 2019 елның июненә кадәр узачак. Сезон нәтиҗәләре буенча беренче урынны алган команда, шәһәрнең төп интеллектуаль бәйрәмендә – киләсе елның май-июнь айларында узачак интеллектуаль чемпионатта рәвештә катнашу мөмкинлеге алачак. Уеннар яшьләрнең интеллектуаль-иҗади сәләтләрен үстерү, киләчәктә үз-үзеңне булдыру һәм камилләштерү, ял итүнең яңа формаларын оештыру, шулай ук корпоратив рух формалаштыру, иң көчле командаларны ачыклау максатыннан үткәрелә.
При использовании информации просьба ссылаться на Управление информационной политики и по связям с общественностью.
Җомга, 28 сентябрь 2018, 08:53