Чаллыда регламент, хокук тәртибе һәм халыкның иминлеген тәэмин итү мәсьәләләре буенча даими комиссия утырышы узды. Утырышта шәһәр Советы депутатлары, РФ ФКХнең ТР буенча идарәсенең Чаллы шәһәре буенча хезмәте башлыгы Сирин Галиәкбәров, Россия Эчке эшләр министрлыгының Чаллы шәһәре буенча идарәсе башлыгы Надир Закиров,шәһәр прокурорының өлкән ярдәмчесе Ленара Галимәрдәнова, шәһәрнең тикшерү бүлеге җитәкчесенең өлкән ярдәмчесе Шамил Сабирҗанов, Башкарма комитетның җаваплы затлары катнашты. Көн тәртибенә Яр Чаллы шәһәре территориясендә экстремизмга һәм терроризмга каршы профилактика һәм аңа каршы тору чаралары, шулай ук коррупциягә каршы көрәш чаралары турында мәсьәләләр куелган иде.
Доклад белән шәһәр мэрының коррупциягә каршы тору буенча ярдәмчесе Рамил Фәйсханов чыгыш ясады. Ул билгеләп үткәнчә, 2018 елда Яр Чаллыда террорчылыкка каршы комиссиянең алты утырышы уздырылган, шул исәптән Татарстан Республикасында Террорчылыкка каршы комиссиянең күчмә утырышы. ТР Президенты Аппараты әлеге комиссиянең автокаладагы эшчәнлеген югары бәяләде.
Шәһәрнең террорчылыкка каршы комиссиясенең эш төркеме тарафыннан, федераль куркынычсызлык хезмәте, Эчке эшләр министрлыгы, Гадәттән тыш хәлләр министрлыгы һәм прокуратура территориаль органнары вәкилләрен җәлеп итеп, кешеләр күпләп җыела торган объектларны тикшерү үткәрелә. Террорчылыкка каршы комиссия шулай ук «Интернет» челтәренең Шәһәр сегментына экстремистик һәм террористик характердагы деструктив төркемнәрнең социаль челтәрләрендә эшчәнлек предметына мониторинг уздыра.
Яр Чаллыда «2017-2019 елларга Яр Чаллы шәһәре муниципаль берәмлеге территориясендә терроризмны һәм экстремизмны профилактикалау, шулай ук терроризм һәм экстремизм күренешләренең нәтиҗәләрен минимальләштерү һәм бетерү» муниципаль программасы эшли. Шулай ук автокалада 2015-2019 елларга юнәлдерелгән коррупциягә каршы программа эшләп килә. Әйтик, шәһәрнең хокук саклау органнары мәгълүматларына караганда, 2018 елның 9 аенда икътисади юнәлештәге 265 җинаять ачыкланган, бу узган елның шул ук чоры белән чагыштырганда 8,9% ка кимрәк (291).
«Чаллы шәһәренең җирле үзидарә органнарында муниципаль хезмәткәрләр белән коррупциягә каршы сәясәтне гамәлгә ашыруның төрле мәсьәләләре, коррупциягә каршы көрәш максатларында билгеләнгән тәртип нормаларын үтәү буенча семинарлар үткәрелә. Әлеге чараларга иҗтимагый оешмалар, хокук саклау органнары һәм гражданлык җәмгыятенең башка институтлары вәкилләре чакырыла», – дип хәбәр итте Башкарма комитет Аппараты җитәкчесе вазифаларын башкаручы Нәфисә Галиева.
Шәһәрнең рәсми сайтында «Коррупциягә каршы көрәш» бүлегендә керемнәр, чыгымнар, мөлкәт һәм мөлкәти характердагы йөкләмәләр турында белешмәләр тупланган, шулай ук муниципаль хезмәткәрләрнең һәм вазыйфаи затларның хезмәт тәртибенә куелган таләпләрне үтәү буенча мәгълүмат һәм нигезләмәләр урнаштырылган.
При использовании информации просьба ссылаться на Управление информационной политики и по связям с общественностью.
Пәнҗешәмбе, 25 октябрь 2018, 17:26