Рус география җәмгыятенең региональ үсеш департаменты директоры Сергей Корлыханов, сәяхәтче, фотограф, режиссер-документалист Леонид Круглов һәм Рус география җәмгыятенең Татарстан Республикасындагы төбәк бүлеге рәисе Дмитрий Шиллер Яр Чаллы шәһәренә масштаблы белем бирү акциясе – «Бөтенроссия география диктанты» кысаларында килделәр.
Рус география җәмгыятенең Татарстан Республикасындагы төбәк бүлеге рәисе Дмитрий Шиллер республикада гамәлгә ашырыла торган проектлар турында сөйләп узды. Мәсәлән, ул начар ишетүче кешеләрне су асты-тикшеренү эшчәнлегенә җәлеп итү турында әйтте.
Рус география җәмгыятенең Чаллы бүлеге рәисе, Шәһәр Советы депутаты Сергей Кулиш җирле бүлекчә эшли торган проектларга тукталды. Бу проектлар: «Иң матур шәһәр», «Иң яхшы география укытучысы», «Сулыкларны чистарту көне» һәм «Экологик сплавлар» проектлары. Шулай да Бөтенроссия географик диктанты шулар арасында иң масштаблысы булып тора.
Очрашу ахырында Рус география җәмгыятенең региональ үсеш департаменты директоры шәһәр мэрына Санкт-Петербургтагы РГҖ йорты тарихы турында китап тәкъдир итте.
При использовании информации просьба ссылаться на Управление информационной политики и по связям с общественностью.
Шимбә, 10 ноябрь 2018, 15:38