Бүген,12 ноябрьдә, «КАМАЗ» мәдәният сараенда «Беренче курс студенты көне-2018» шәһәр фестиваленең сайлап алу туры уза. Гариза бирү кампаниясе вакытында фестивальнең оештыру комитетына 93 гариза тапшырылган, шулардан «Музыка» -36, «Хореография» -26, «Үзенчәлекле жанр» –5, «Театр» –12 һәм «Журналистика/блогинг» юнәлеше буенча – 14.
Сайлап алу турына беренче катнашучыларны 9:00дан 12:00 сәгатькә кадәр («Музыка»), аннары 13:00тән 15:00 сәгатькә кадәр («Хореография») һәм 16.00дан 18:00гә кадәр («Үзенчәлекле жанр», «театр») көтәләр. Һәр блоктан соң фестивальнең жюри әгъзалары белән фикер алышу булачак.
26 ноябрьдә «КАМАЗ» мәдәният сараенда «Беренче курс студентлары көне-2018» фестиваленең гала-концерты узачак. Анда сайлап алу туры нәтиҗәләре буенча иң яхшы коллективлар катнашачак.
При использовании информации просьба ссылаться на Управление информационной политики и по связям с общественностью.
Дүшәмбе, 12 ноябрь 2018, 08:10