1 нче балалар сәнгать мәктәбендә Яр Чаллы шәһәренең гомуми белем бирү мәктәпләре укучылары өчен Кузьма Сергеевич Петров-Водкин иҗатына багышланган «Сынлы сәнгать» фәне буенча III муниципаль олимпиада җиңүчеләрен бүләкләү тантанасы узды. Олимпиада Яр Чаллы шәһәренең гомуми белем бирү учреждениеләрендә белем алучы 8-9 нчы сыйныф укучылары арасында узды.
Олимпиаданың төп максаты-укучыларның иҗади сәләтләрен һәм тикшеренү эшчәнлеге белән кызыксынуларын ачыклау һәм үстерү, рухи-әхлакый шәхес тәрбияләү, гражданлык позициясе формалаштыру, патриотизм, әдәбиятка, сәнгатькә, Ватан мәдәнияте кыйммәтләренә мәхәббәт һәм хөрмәт тәрбияләү. Олимпиада ике турдан торды: беренче турда - викторина (рәссам әсәрләре буенча тест сораулары); икенче турда - иҗади бирем (практик өлеш). Чарада шәһәрнең 13 гомуми белем бирү мәктәбе катнашты.
1нче балалар сәнгать мәктәбе директоры Альбина Шәйхулова олимпиадада катнашучыларны котлады һәм дипломнар тапшырды.
При использовании информации просьба ссылаться на Управление информационной политики и по связям с общественностью.
Чәршәмбе, 14 ноябрь 2018, 10:45