Сара Садыйкова исемендәге концерт залында финалга чыгу өчен Казан, Алабуга, Яр Чаллы шәһәрләреннән алты команда көч сынашты. Командалар өч конкурста уйнадылар: визит карточкасы; видеооблок; музыкаль фристайл. Шәһәр Башкарма комитеты җитәкчесе урынбасары Рамил Хәлимов, шәһәр Башкарма комитетының Мәгариф һәм яшьләр белән эшләү идарәсе башлыгы Винер Харисов уенның мәртәбәле кунаклары булды. 1 урынны Чаллының «Шпетише»командасы яулады. Финалга барлыгы дүрт команда узды: Казаннан «Отпускная сборная» һәм «Сборная съёмной квартиры» командалары, Чаллының Ингеборга Дапкунайте командасы.
Чараны Яр Чаллы шәһәре Башкарма комитетының Мәгариф һәм яшьләр белән эшләү идарәсе ярдәме белән «Нур» яшьләр үзәге белән берлектә «Шаян Яр Чаллылылар клубы» оештырды.
При использовании информации просьба ссылаться на Управление информационной политики и по связям с общественностью.
Чәршәмбе, 14 ноябрь 2018, 15:46