Быел Яр Чаллыда ВИЧ-инфекция йоктыруның 152 яңа очрагы ачыкланган. Бүген Республика СПИД үзәгенең Чаллыдагы филиалы җитәкчесе вазифаларын башкаручы Радик Шәйхетдинов матбугат конференциясендә ассызыклап үткәнчә, аларның күбесе – 82,2%ы 30 яшьтән өлкәнрәкләр категориясенә туры килә: «1989 елдан башлап ВИЧ-инфекцияне теркәүнең бөтен чорында шәһәр буенча 3 532 ВИЧ-инфекцияле кеше билгеле булды. Яшь буенча ачыкланган 2001 елдан 2017 елга кадәр 15-29 яшьтәгеләр, ә 2018 елдан - 30 яшьтән өлкәнрәк кешеләр өстенлек итә».
Хәзерге вакытта Чаллыда диспансер исәбендә 1993 ВИЧ-авыру тора. Шуларның 68%ы - ир-атлар. Шуны да билгеләп үтәргә кирәк, автокалада, тулаем Татарстан буенча да, авыруны җенси юл белән йоктыру өстенлек итә. Кеше иммунодефициты вирусын йөртүчеләрнең икенче өлешен– наркотик чаралар кулланучы чаллылылар алып тора.
Шунысын да билгеләп үтәргә кирәк, хәзерге вакытта ВИЧка тестлаштыруга зур игътибар бирелә. Шәһәрдә бик күп акцияләр үткәрелә, алар кысаларында чаллылылар бушлай һәм аноним рәвештә анализ уза һәм үзләренең ВИЧ-статусын белә ала.
Шуны да билгеләп үтәргә кирәк, чарадан «Вконтакте» Шәһәр администрациясе төркемендә турыдан-туры трансляция алып барылды, аның барышында шәһәрдәшләребез сораулар бирә алды.
При использовании информации просьба ссылаться на Управление информационной политики и по связям с общественностью.
Пәнҗешәмбе, 22 ноябрь 2018, 12:24