5 декабрьдә Яр Чаллыда Бөтендөнья иреклеләр көнен билгеләп үтәчәкләр. “105 универсам” территориясендә масштаблы чаралар планлаштырылган. 8:00дән 12:00 сәгатькә кадәр “Иреклелек яшәү рәвеше буларак” флешмобы узачак. 12:00дән 17: 00гә кадәр «Активлык, иҗат, яшьләр таланты” флэшмобы, 17:00дән 21:00гә кадәр “Кайнар йөрәк” флэшмобы үткәрелә. Чараларда ике меңгә якын волонтер катнашыр дип планлаштырыла.
19:00 сәгатьтә “Шатлык” яшьләр үзәгендә Яр Чаллы шәһәрендә иреклеләр эшчәнлеге елына йомгак ясалачак. Волонтерларның зур бәйрәме яңа форматта узачак-бәйрәм кунаклары өчен кавер-төркем чыгыш ясаячак, истәлекле бүләкләр тапшыру, шулай ук шәһәрнең популяр диджейларыннан дискотека оештырылачак.
При использовании информации просьба ссылаться на Управление информационной политики и по связям с общественностью.
Чәршәмбе, 14 ноябрь 2018, 14:36