"КАМАЗ-мастер” легендар командасын 30 яшьлек юбилее белән котладылар. Тантаналы чара Яр Чаллы шәһәренең Орган залында узды. Спортчыларны, автоспорт ветераннарын һәм бәйрәм кунакларын Татарстан Республикасы Президенты Рөстәм Миңнеханов, шәһәр мэры Наил Мәһдиев, «КАМАЗ» ГАҖ генераль директоры Сергей Когогин һәм Дәүләт Думасы депутаты Әлфия Когогина котлады.
Чыгышының башында Рөстәм Миңнеханов команда адресына Россия Президенты Владимир Путин исеменнән килгән телеграмма текстын укыды. Ил президенты спортчыларга сәламәтлек һәм билгеләнгән планнарны тормышка ашыру өчен бетмәс-төкәнмәс энергия теләде: «КАМАЗ-мастер» катнашкан ярышлар катлаулы тышкы шартларда алдынгы технологияләрне сынап карарга мөмкинлек бирә, алар алга таба «КАМАЗ» заводының серияле җитештерүгә кертелә, конкуренциягә сәләтле техника чыгарырга, димәк, милли һәм глобаль базарларда Россия автомобиль сәнәгате позициясен ныгытырга ярдәм итә. Ышанам ки, алда Россия автомобиль спорты данын яклауда яңа уңышлар аз булмас", - диелә телеграммада.
Татарстан Президенты "КАМАЗ-Мастер” командасы вәкилләренә бүләкләр тапшырды.
Наил Мәһдиев үз чиратында республика җитәкчелегенә һәм Татарстан президентына командага ярдәм итүләре өчен рәхмәт белдерде: «Чаллы шәһәре өчен Кама ярларыннан гади эшче егетләр, Чаллы шәһәреннән Россия, Татарстан, Чаллы автоспорты данын югары тоталар. Татарстан Республикасы Россия Федерациясенең иң көчле һәм иң яхшы спорт субъектларының берсе», - диде ул.
Моннан тыш, шәһәр башлыгы буыннар алмашуының мөһимлеген билгеләп үтте.
Шуны да билгеләп үтәргә кирәк, чараны телетапшырулар алып баручы Аврора һәм «рус радиосы» диджее Максим Орлов алып барды. Зур булмаган роликларда кунакларга команда тарихы турында сөйләделәр: аларда 1988 елда нигез салынудан алып хәзерге вакытка кадәр вакыт чагылдырылган иде.
Россиянең атказанган артисты, гитарист, композитор һәм аранжировщик Виктор Зинчукның һәм танылган “Турецкий Хоры” коллективының чыгышы бәйрәмгә килүчеләр өчен зур бүләк булды.
При использовании информации просьба ссылаться на Управление информационной политики и по связям с общественностью.
Җомга, 7 декабрь 2018, 07:34