Татарстан Республикасы 2018 ел нәтиҗәләре буенча төзелеш эшләре күләме буенча Идел буе федераль округында лидер булды. Бүген бу хакта Татарстан Республикасы төзелеш, архитектура һәм торак-коммуналь хуҗалык министры Ирек Фәйзуллин Татарстан Республикасы президенты Рөстәм Миңнеханов катнашында узган Татарстан Республикасы төзелеш, архитектура һәм ТКХ министрлыгы коллегиясенең киңәйтелгән утырышында хәбәр итте. Ел саен Татарстанда 2 млн 400 мең кв метрдан артык торак гамәлгә кертелә. 2018 елда республикада халыкның яшәү тирәлеген һәм торак пунктларның архитектур йөзен яхшыртуга юнәлдерелгән 38 программа тормышка ашырыла. Министр шулай ук соңгы биш елда бәхетсезлек очракларының саны 2,6 тапкырга, шул исәптән үлем белән тәмамланган очракларның кимүен билгеләп үтте. Рөстәм Миңнеханов төзелеш тармагында хезмәтне саклауга аерым игътибар бирергә кушты.
2018 елда Татарстанда 10 мәктәп, 7 балалар бакчасы төзелде. Шуны да билгеләп үтәргә кирәк, республиканың иң зур мәктәпләренең берсе автокалада Замелекесье микрорайонында төзелгән иде. 44 фельдшер-акушерлык пункты, 11 табиб амбулаториясе, 15 бассейн һәм универсаль зал, 96 спорт мәйданчыгы, 16 модульле чаңгы базасы, 28 күпфункцияле мәдәният үзәге, 94 балалар белем бирү учреждениесе һәм 28 мәктәп, 11 ресурс үзәге, 110 поликлиника, 46 мәдәният объекты, 48 яшьләр учреждениесе, 91 социаль хезмәт күрсәтү һәм гражданнарны кабул итү объекты капиталь ремонтланган.
"2019 елда шулай ук торак төзелеше һәм коммерция өлкәсендә дә зур эш күләме көтелә. Безнең берничә яңа производство төзү буенча планнарыбыз бар. Бу-кер юу машиналары чыгару заводы һәм башка производстволар. 2018 ел нәтиҗәләре барыбызга нәрсә эшли белүебез турында сөйләргә мөмкинлек бирә", – диде мэр видеоконференция режимында узган утырыш нәтиҗәләре буенча.
Өлешләп төзүдә проблемалы мәсьәләләрне хәл итү мөһим бурыч булып кала бирә. Бу юнәлештә эш 2019 елда да дәвам итәчәк. 2018 елның декабрендә 65-03 торак йортның беренче чираты файдалануга тапшырылды. Шул рәвешле алданган 93 өлешче проблемаларын хәл итә алды. Хәзерге вакытта «ФОН» компанияләр төркеменең 65/06, 65/10 (блоклар 3,4) һәм 65/03 (2,3 чират) йортларында өлешләп төзүдән зыян күргән 224 кеше кала. Татарстан Республикасы Хөкүмәте тарафыннан расланган «Юл картасы» нигезендә Чаллы шәһәрендә алданган өлешчеләр проблемасын 2020 елга кадәр хәл итү планлаштырыла.
При использовании информации просьба ссылаться на Управление информационной политики и по связям с общественностью.
Пәнҗешәмбе, 17 гыйнвар 2019, 17:11