28 гыйнвардан 9 февральгә кадәр автокалада хәрби тематикага кар сыннары шәһәр конкурсы узачак. Командаларга күрсәтелгән вакыт эчендә үз мәктәбе спорт мәйданчыгы территориясендә кар яки боздан скульптура әзерләргә һәм аның фотоларын электрон почта аша җибәрергә кирәк. Ярышларда катнашучылар: шәһәр мәктәпләренең 10 яшьтән 16 яшькә кадәрге Яшь армиячеләре отрядлары вәкилләре. Командада катнашучылар саны чикләнмәгән.
Гаризалар 1 февральгә кадәр klubvega@yandex.ru электрон адресына кабул ителә. Гаризага 2 фото беркетелә: сын фотосы һәм аның фонында команда фотосы. Призлы урыннарны алган катнашучылар дипломнар белән бүләкләнә.
Бәйгенең нигезнамәсе белән биредә танышырга мөмкин.
При использовании информации просьба ссылаться на Управление информационной политики и по связям с общественностью.
Дүшәмбе, 28 гыйнвар 2019, 13:51